Eclogues

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

te nemus omne canet; nec Phoebo gratior ulla est,

quam sibi quae Vari praescripsit pagina nomen.

Pergite, Pierides! Chromis et Mnasyllos in antro

Silenum pueri somno videre iacentem,

inflatum hesterno venas, ut semper, Iaccho:

serta procul tantum capiti delapsa iacebant,

et gravis attrita pendebat cantharus ansa.

Adgressi—nam saepe senex spe carminis ambo

luserat—iniciunt ipsis ex vincula sertis:

addit se sociam, timidisque supervenit Aegle,—