Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- Herculis ite boues, nostrae labor ultime clauae,
- bis mihi quaesitae, bis mea praeda, boues,
- aruaque mugitu sancite Bouaria longo:
- nobile erit Romae pascua uestra Forum.’
- dixerat, et sicco torquet sitis ora palato,
- terraque non ullas feta ministrat aquas.
- sed procul inclusas audit ridere puellas,
- lucus ubi umbroso fecerat orbe nemus,