Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- nanus et ipse suos breuiter concretus in artus
- iactabat truncas ad caua buxa manus.
- sed neque suppletis constabat flamma lucernis,
- reccidit inque suos mensa supina pedes.
- me quoque per talos Venerem quaerente secundos
- semper damnosi subsiluere canes.
- cantabant surdo, nudabant pectora caeco:
- Lanuuii ad portas, ei mihi, s eram;
- cum subito rauci sonuerunt cardine postes,
- et leuia ad primos murmura facta Laris.
- nec mora, cum totas resupinat Cynthia ualuas,
- non operosa comis, sed furibunda decens.
- pocula mi digitos inter cecidere remissos,
- palluerantque ipso labra ta mero.
- fulminat illa oculis et quantum femina saeuit,
- spectaclum capta nec minus urbe fuit.
- Phyllidos iratos in uultum conicit unguis:
- territa uicinas Teia clamat aquas.
- lumina sopitos turbant elata Quiritis,
- omnis et insana semita nocte sonat.