Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- Lygdamus ad cyathos, uitrique aestiua supellex
- et Methymnaei Graeca saliua meri.
- Nile, tuus tibicen erat, crotalistria phillis,
- haec facilis spargi munda sine arte rosa,
- nanus et ipse suos breuiter concretus in artus
- iactabat truncas ad caua buxa manus.
- sed neque suppletis constabat flamma lucernis,
- reccidit inque suos mensa supina pedes.
- me quoque per talos Venerem quaerente secundos
- semper damnosi subsiluere canes.
- cantabant surdo, nudabant pectora caeco:
- Lanuuii ad portas, ei mihi, s eram;
- cum subito rauci sonuerunt cardine postes,
- et leuia ad primos murmura facta Laris.