Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- hoc etiam graue erat, nulla mercede hyacinthos
- inicere et fracto busta piare cado.
- Lygdamus uratur — candescat lamina uernae —
- sensi ego, cum insidiis pallida uina bibi —
- at Nomas — arcanas tollat uersuta saliuas;
- dicet damnatas ignea testa manus.
- quae modo per uilis inspecta est publica noctes,
- haec nunc aurata cyclade signat humum;
- et grauiora rependit iniquis pensa quasillis,
- garrula de facie si qua locuta mea est;
- nostraque quod Petale tulit ad monumenta coronas,
- codicis immundi uincula sentit anus;
- caeditur et Lalage tortis suspensa capillis,
- per nomen quoniam est ausa rogare meum.
- te patiente meae conflauit imaginis aurum,
- ardente e nostro dotem habitura rogo.