Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- omnis amor magnus, sed aperto in coniuge maior:
- hanc Venus, ut uiuat, uentilat ipsa facem.
- nam mihi quo Poenis ter purpura fulgeat ostris
- crystallusque meas ornet aquosa manus?
- omnia surda tacent, rarisque assueta kalendis
- uix aperit clausos una puella Lares,
- Claugidos et catulae uox est mihi grata querentis:
- illa tui partem uindicat una tori.
- flore sacella tego, uerbenis compita uelo,
- et crepat ad ueteres herba Sabina focos.
- siue in finitimo gemuit stans noctua tigno,
- seu uoluit tangi parca lucerna mero,