Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non posse ad patrios sua pila referre Penatis:
  2. nempe meam firmant nunc duo busta fidem.
  3. quippe Lupercus, equi dum saucia protegit ora,
  4. heu sibi prolapso non bene cauit equo;
  5. Gallus at, in castris dum credita signa tuetur,
  6. concidit ante aquilae rostra cruenta suae:
  7. fatales pueri, duo funera matris auarae!
  8. uera, sed inuito, contigit ista fides.
  9. idem ego, cum Cinarae traheret Lucina dolores,
  10. et facerent uteri pondera lenta moram,