Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et Tiberis nostris aduena bubus erat.
  2. qua gradibus domus ista Remi se sustulit, olim
  3. unus erat fratrum maxima regna focus.
  4. curia, praetexto quae nunc nitet alta senatu,
  5. pellitos habuit, rustica corda, Patres.
  6. bucina cogebat priscos ad uerba Quiritis:
  7. centum illi in prato saepe senatus erat.
  8. nec sinuosa cauo pendebant uela theatro,
  9. pulpita sollemnis non oluere crocos.
  10. nulli cura fuit externos quaerere diuos,
  11. cum tremeret patrio pendula turba sacro,
  12. annuaque accenso celebrante Parilia faeno,
  13. qualia nunc curto lustra nouantur equo.
  14. Vesta coronatis pauper gaudebat asellis,