Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sed tua nunc volucres astant super ossa marinae,
  2. nunc tibi pro tumulo Carpathium omne marest.
  3. infelix Aquilo, raptae timor Orithyiae,
  4. quae spolia ex illo tanta fuere tibi?
  5. aut quidnam fracta gaudes, Neptune, carina?
  6. portabat sanctos alveus ille viros.
  7. o centum aequoreae Nereo genitore puellae,
  8. et tu, materno tacta dolore, Theti;
  9. vos decuit lasso supponere bracchia mento:
  10. non poterat vestras ille gravare manus.
  11. reddite corpus, aquae! positast in gurgite vita;
  12. Paetum sponte tua, vilis harena, tegas;