Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sicin eram incomptis vidisti flere capillis?
  2. illius ex oculis multa cadebat aqua?
  3. nec speculum in strato vidisti, Lygdame, lecto,
  4. scriniaque ad lecti clausa iacere pedes,
  5. ac maestam teneris vestem pendere lacertis?
  6. ornabat niveas nullane gemma manus?
  7. tristis erat domus, et tristes sua pensa ministrae
  8. carpebant, medio nebat et ipsa loco,