Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Lydus Dulichio non distat Croesus ab Iro:
  2. optima mors, carpta quae venit ante die.
  3. me iuvat in prima coluisse Helicona iuventa
  4. Musarumque choris implicuisse manus;
  5. me iuvat et multo mentem vincire Lyaeo,
  6. et caput in verna semper habere rosa.
  7. atque ubi iam Venerem gravis interceperit aetas,
  8. sparserit et nigras alba senecta comas,