Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- Pacis Amor deus est, pacem veneramur amantes:
- sat mihi cum domina proelia dura mea.
- nec mihi mille iugis Campania pinguis aratur,
- nec bibit e gemma divite nostra sitis,
- nec tamen inviso pectus mihi carpitur auro,
- nec mixta aera paro clade, Corinthe, tua.
- o prima infelix fingenti terra Prometheo!
- ille parum caute pectoris egit opus.