Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- talia Calliope, lymphisque a fonte petitis
- ora Philitea nostra rigavit aqua.
- Arma deus Caesar dites meditatur ad Indos,
- et freta gemmiferi findere classe maris.
- magna, Quiris, merces: parat ultima terra triumphos;
- Tigris et Euphrates sub tua iura fluent;
- sera, sed Ausoniis veniet provincia virgis;
- assuescent Latio Partha tropaea Iovi.