Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. orgia Musarum et Sileni patris imago
  2. fictilis et calami, Pan Tegeaee, tui;
  3. et Veneris dominae volucres, mea turba, columbae
  4. tingunt Gorgoneo punica rostra lacu;
  5. diversaeque novem sortitae iura Puellae
  6. exercent teneras in sua dona manus:
  7. haec hederas legit in thyrsos, haec carmina nervis
  8. aptat, at illa manu texit utraque rosam.
  9. e quarum numero me contigit una dearum
  10. (ut reor a facie, Calliopea fuit):
  11. 'contentus niveis semper vectabere cycnis,
  12. nec te fortis equi ducet ad arma sonus.