Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. vix tamen aut semel admittit, cum saepe negarit:
  2. seu venit, extremo dormit amicta toro.
  3. unum erit auxilium: mutatis Cynthia terris
  4. quantum oculis, animo tam procul ibit amor.
  5. nunc agite, o socii, propellite in aequora navem,
  6. remorumque pares ducite sorte vices,
  7. iungiteque extremo felicia lintea malo:
  8. iam liquidum nautis aura secundat iter.
  9. Romanae turres et vos valeatis, amici,
  10. qualiscumque mihi tuque, puella, vale!
  11. ergo ego nunc rudis Hadriaci vehar aequoris hospes,
  12. cogar et undisonos nunc prece adire deos.
  13. deinde per Ionium vectus cum fessa Lechaeo
  14. sedarit placida vela phaselus aqua,