Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aut illis flamma aut imber subducet honores,
  2. annorum aut tacito pondere victa ruent.
  3. at non ingenio quaesitum nomen ab aevo
  4. excidet: ingenio stat sine morte decus.
  1. Visus eram molli recubans Heliconis in umbra,
  2. Bellerophontei qua fluit umor equi,
  3. reges, Alba, tuos et regum facta tuorum,
  4. tantum operis, nervis hiscere posse meis;
  5. parvaque iam magnis admoram fontibus ora
  6. (unde pater sitiens Ennius ante bibit,