Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- tuque, o, Minoa venumdata, Scylla, figura
- tondes purpurea regna paterna coma.
- hanc igitur dotem virgo desponderat hosti!
- Nise, tuas portas fraude reclusit amor.
- at vos, innuptae, felicius urite taedas:
- pendet Cretaea tracta puella rate.
- non tamen immerito Minos sedet arbiter Orci:
- victor erat quamvis, aequus in hoste fuit.