Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. semper enim vacuos nox sobria torquet amantes;
  2. spesque timorque animos versat utroque modo.
  3. quod si, Bacche, tuis per fervida tempora donis
  4. accersitus erit somnus in ossa mea,
  5. ipse seram vites pangamque ex ordine colles,
  6. quos carpant nullae me vigilante ferae.
  7. dum modo purpureo spument mihi dolia musto,
  8. et nova pressantis inquinet uva pedes,
  9. quod superest vitae per te et tua cornua vivam,
  10. virtutisque tuae, Bacche, poeta ferar.