Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illa rudis animos per noctes conscia primas
  2. imbuit, heu nullis capta Lycinna datis!
  3. tertius (haud multo minus est) cum ducitur annus,
  4. vix memini nobis verba coisse decem.
  5. cuncta tuus sepelivit amor, nec femina post te
  6. ulla dedit collo dulcia vincla meo.
  7. at tu non meritam parcas vexare Lycinnam:
  8. nescit vestra ruens ira referre pedem.
  9. testis erit Dirce tam vano crimine saeva,
  10. Nycteos Antiopen accubuisse Lyco.