Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. litore sollicito sonitus rarescit harenae,
  2. sic cadit inflexo lapsa puella genu.
  3. sera, tamen pietas: natis est cognitus error.
  4. digne Iovis natos qui tueare senex,
  5. tu reddis pueris matrem; puerique trahendam
  6. vinxerunt Dircen sub trucis ora bovis.
  7. Antiope, cognosce Iovem: tibi gloria Dirce
  8. ducitur in multis mortem habitura locis.
  9. prata cruentantur Zethi, victorque canebat
  10. paeana Amphion rupe, Aracynthe, tua.