Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et pete, qua polles, ut sit tibi forma perennis,
  2. inque meum semper stent tua regna caput.
  3. inde coronatas ubi ture piaveris aras,
  4. luxerit et tota flamma secunda domo,
  5. sit mensae ratio, noxque inter pocula currat,
  6. et crocino nares murreus ungat onyx.
  7. tibia continuis succumbat rauca choreis,
  8. et sint nequitiae libera verba tuae,
  9. dulciaque ingratos adimant convivia somnos;
  10. publica vicinae perstrepat aura viae:
  11. sit sors et nobis talorum interprete iactu,
  12. quem gravius pennis verberet ille puer.
  13. cum fuerit multis exacta trientibus hora,
  14. noctis et instituet sacra ministra Venus,
  15. annua solvamus thalamo sollemnia nostro,
  16. natalisque tui sic peragamus iter.
  1. Quid mirare, meam si versat femina vitam
  2. et trahit addictum sub sua iura virum,