Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. si quis vult fama tabulas anteire vetustas,
  2. hic dominam exemplo ponat in arte meam:
  3. sive illam Hesperiis, sive illam ostendet Eois,
  4. uret et Eoos, uret et Hesperios.
  5. his saltem ut tenear iam finibus! aut mihi, si quis,
  6. acrior, ut moriar, venerit alter amor!
  7. ac veluti primo taurus detractat aratra,
  8. post venit assueto mollis ad arva iugo,
  9. sic primo iuvenes trepidant in amore feroces,
  10. dehinc domiti post haec aequa et iniqua ferunt.
  11. turpia perpessus vates est vincla Melampus,
  12. cognitus Iphicli surripuisse boves;
  13. quem non lucra, magis Pero formosa coegit,
  14. mox Amythaonia nupta futura domo.