Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. DEFICIVNT magico torti sub carmine rhombi,
  2. et iacet exstincto laurus adusta foco;
  3. et iam Luna negat totiens descendere caelo,
  4. nigraque funestum concinit omen avis.
  5. una ratis fati nostros portabit amores
  6. caerula ad infernos velificata lacus.
  7. sed non unius, quaeso, miserere duorum!
  8. vivam, si vivet; si cadet illa, cadam.
  9. pro quibus optatis sacro me carmine damno:
  10. scribam ego 'Per magnum est salva puella Iovem';
  11. ante tuosque pedes illa ipsa operata sedebit,
  12. narrabitque sedens longa pericla sua.