Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sed non tam ardoris culpa est neque crimina caeli
  2. quam totiens sanctos non habuisse deos.
  3. hoc perdit miseras, hoc perdidit ante puellas:
  4. quidquid iurarunt, ventus et unda rapit.
  5. num sibi collatam doluit Venus? illa peraeque
  6. prae se formosis invidiosa dea est.
  7. an contempta tibi Iunonis templa Pelasgae?
  8. Palladis aut oculos ausa negare bonos?
  9. semper, formosae, non nostis parcere verbis.
  10. hoc tibi lingua nocens, hoc tibi forma dedit.
  11. sed tibi vexatae per multa pericula vitae
  12. extremo venit mollior hora die.
  13. Io versa caput primos mugiverat annos:
  14. nunc dea, quae Nili flumina vacca bibit.