Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. VIDI te in somnis fracta, mea vita, carina
  2. Ionio lassas ducere rore manus,
  3. et quaecumque in me fueras mentita fateri,
  4. nec iam umore gravis tollere posse comas,
  5. qualem purpureis agitatam fluctibus Hellen,
  6. aurea quam molli tergore vexit ovis.
  7. quam timui, ne forte tuum mare nomen haberet,
  8. atque tua labens navita fleret aqua!