Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. at nullo dominae teritur sub crimine amor, qui
  2. restat et immerita sustinet aure minas.
  3. ultro contemptus rogat, et peccasse fatetur
  4. laesus, et invitis ipse redit pedibus.
  5. tu quoque, qui pleno fastus assumis amore,
  6. credule, nulla diu femina pondus habet.
  7. an quisquam in mediis persolvit vota procellis.
  8. cum saepe in portu fracta carina natet?