Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- unica nata meo pulcherrima cura dolori,
- excludit quoniam sors mea 'saepe veni,'
- ista meis fiet notissima forma libellis,
- Calve, tua venia, pace, Catulle, tua.
- miles depositis annosus secubat armis,
- grandaevique negant ducere aratra boves,
- putris et in vacua requiescit navis harena,
- et vetus in templo bellica parma vacat: