Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- haec spolia, haec reges, haec mihi currus erunt.
- magna ego dona tua figam, Cytherea, columna,
- taleque sub nostro nomine carmen erit:
- HAS PONO ANTE TVAS TIBI, DIVA, PROPERTIVS AEDIS
- EXVVIAS, TOTA NOCTE RECEPTVS AMANS.
- nunc a te, mea lux, veniet mea litore navis
- servato, an mediis sidat onusta vadis.
- quod si forte aliqua nobis mutabere culpa,
- vestibulum iaceam mortuus ante tuum!
- o me felicem! o nox mihi candida! et o tu
- lectule deliciis facte beate meis!
- quam multa apposita narramus verba lucerna,
- quantaque sublato lumine rixa fuit!
- nam modo nudatis mecum est luctata papillis,
- interdum tunica duxit operta moram.
- illa meos somno lapsos patefecit ocellos