Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- aut possim Ismaria ducere valle feras,
- sed magis ut nostro stupefiat Cynthia versu:
- tunc ego sim Inachio notior arte Lino.
- non ego sum formae tantum mirator honestae,
- nec si qua illustris femina iactat avos:
- me iuvet in gremio doctae legisse puellae,
- auribus et puris scripta probasse mea.
- haec ubi contigerint, populi confusa valeto
- fabula: nam domina iudice tutus ero.
- quae si forte bonas ad pacem verterit auris,
- possum inimicitias tunc ego ferre Iovis.
- quandocumque igitur nostros mors claudet ocellos,