Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Quaeritis, unde mihi totiens scribantur amores,
  2. unde meus veniat mollis in ore liber.
  3. non haec Calliope, non haec mihi cantat Apollo.
  4. ingenium nobis ipsa puella facit.
  5. sive illam Cois fulgentem incedere cogis,
  6. hac totum e Coa veste volumen erit;
  7. seu vidi ad frontem sparsos errare capillos,
  8. gaudet laudatis ire superba comis;
  9. sive lyrae carmen digitis percussit eburnis,
  10. miramur, facilis ut premat arte manus;