Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illi carus ego et per me carissima Roma
  2. dicitur, et sine me dulcia regna negat.
  3. illa vel angusto mecum requiescere lecto
  4. et quocumque modo maluit esse mea,
  5. quam sibi dotatae regnum vetus Hippodamiae,
  6. et quas Elis opes apta pararat equis.
  7. quamvis magna daret, quamvis maiora daturus,
  8. non tamen illa meos fugit avara sinus.
  9. hanc ego non auro, non Indis flectere conchis,
  10. sed potui blandi carminis obsequio.