Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- tu licet Antiopae formam Nycteidos, et tu
- Spartanae referas laudibus Hermionae,
- et quascumque tulit formosi temporis aetas;
- Cynthia non illas nomen habere sinat:
- nedum, si levibus fuerit collata figuris,
- inferior duro iudice turpis eat.
- haec sed forma mei pars est extrema furoris;
- sunt maiora, quibus, Basse, perire iuvat: