Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. si Perusina tibi patriae sunt nota sepulcra,
  2. Italiae duris funera temporibus,
  3. cum Romana suos egit discordia cives—
  4. sic mihi praecipue, pulvis Etrusca, dolor,
  5. tu proiecta mei perpessa's membra propinqui,
  6. tu nullo miseri contegis ossa solo—
  7. proxima suppositos contingens Umbria campos
  8. me genuit terris fertilis uberibus.
  1. Quaeritis, unde mihi totiens scribantur amores,
  2. unde meus veniat mollis in ore liber.
  3. non haec Calliope, non haec mihi cantat Apollo.
  4. ingenium nobis ipsa puella facit.