Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ille sed extrema pendentes ludit in ala
  2. et volucris ramo summovet insidias.
  3. iam Pandioniae cessit genus Orithyiae:
  4. ah dolor! ibat Hylas, ibat Hamadryasin.
  5. hic erat Arganthi Pege sub vertice montis,
  6. grata domus Nymphis umida Thyniasin,
  7. quam supra nulli pendebant debita curae
  8. roscida desertis poma sub arboribus,
  9. et circum irriguo surgebant lilia prato
  10. candida purpureis mixta papaveribus.
  11. quae modo decerpens tenero pueriliter ungui
  12. proposito florem praetulit officio,