Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- illa meo caros donasset funere crines,
- molliter et tenera poneret ossa rosa;
- illa meum extremo clamasset pulvere nomen,
- ut mihi non ullo pondere terra foret.
- at vos, aequoreae formosa Doride natae,
- candida felici solvite vela choro:
- si quando vestras labens Amor attigit undas,
- mansuetis socio parcite litoribus.