Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Et merito, quoniam potui fugisse puellam,
  2. nunc ego desertas alloquor alcyonas.
  3. nec mihi Cassiope salvo visura carinam,
  4. omniaque ingrato litore vota cadunt.
  5. quin etiam absenti prosunt tibi, Cynthia, venti:
  6. aspice, quam saevas increpat aura minas.
  7. nullane placatae veniet fortuna procellae?
  8. haecine parva meum funus harena teget?