Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quam tua sub nostro mutetur pectore cura:
  2. sis quodcumque voles, non aliena tamen.
  3. tam tibi ne viles isti videantur ocelli,
  4. per quos saepe mihi credita perfidiast!
  5. hos tu iurabas, si quid mentita fuisses,
  6. ut tibi suppositis exciderent manibus:
  7. et contra magnum potes hos attollere Solem,
  8. nec tremis admissae conscia nequitiae?
  9. quis te cogebat multos pallere colores
  10. et fletum invitis ducere luminibus?
  11. quis ego nunc pereo, similis moniturus amantes
  12. non ullis tutum credere blanditiis.