Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sed quoniam non es veritus concredere nobis,
  2. accipe commissae munera laetitiae:
  3. non m vestros didici reticere dolores,
  4. est quiddam in nobis maius, amice, fide.
  5. possum ego diversos iterum coniungere amantes,
  6. et dominae tardas possum aperire fores;
  7. et possum alterius curas sanare recentis,
  8. nec levis in verbis est medicina meis.
  9. Cynthia me docuit, semper quae cuique petenda
  10. quaeque cavenda forent: non nihil egit Amor.