Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quod si quis monitis tardas adverterit aures,
  2. heu referet quanto verba dolore mea!
  1. Quid iuvat ornato procedere, vita, capillo
  2. et tenuis Coa veste movere sinus,
  3. aut quid Orontea crines perfundere murra,
  4. teque peregrinis vendere muneribus,
  5. naturaeque decus mercato perdere cultu,
  6. nec sinere in propriis membra nitere bonis?
  7. crede mihi, non ulla tuaest medicina figurae:
  8. nudus Amor formam non amat artificem.
  9. aspice quos summittat humus non fossa colores,