Letters to Atticus

deverti ad illum de quo tecum mane. nihil perditius; explicari rem non posse.

etenim si ille tali ingenio exitum non reperiebat, quis nunc reperiet?

quid quaeris? perisse omnia aiebat (quod haud scio an ita sit; verum ille gaudens) adfirmatque minus diebus xx tumultum Gallicum. in sermonem se post Idus Martias praeterquam Lepido venisse nemini. ad summam non posse istaec sic abire. o prudentem Oppium! qui nihilo minus illum desiderat, sed loquitur nihil quod quemquam bonum offendat. sed haec hactenus.