Divinatio in Q. Caecilium

de te, Caecili,—iam mehercule hoc extra hanc[*](haec G2L) contentionem certamenque nostrum familiariter tecum loquar,—tu ipse quem ad modum existimes vide etiam atque etiam, et tu te collige, et qui sis[*](quis sis DG12KZ) et quid facere possis considera. Putasne te posse de maximis acerbissimisque rebus, cum causam sociorum fortunasque provinciae, ius populi Romani, gravitatem[*](gravitatemque DY) iudici legumque susceperis[*](susceperis edd.: susciperis r: susciperes Dp et pler.), tot res[*](res om. DG2K, post varias habet L) tam gravis, tam varias voce, memoria, consilio, ingenio sustinere?