Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Quid facit is, Gelli, qui cum matre atque sorore
- prurit et abiectis pervigilat tunicis?
- quid facit is patruum qui non sinit esse maritum?
- ecquid scis quantum suscipiat sceleris?
- suscipit, o Gelli, quantum non ultima Tethys
- nec genitor nympharum abluit Oceanus:
- nam nihil est quicquam sceleris quo prodeat ultra,
- non si demisso se ipse voret capite.