Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Non custos si fingar ille Cretum,
- non si Pegaseo ferar volatu,
- non Ladas ego pinnipesve Perseus,
- non Rhesi niveae citaeque bigae:
- adde huc plumipedes volatilesque,
- ventorumque simul require cursum,
- quos vinctos, Cameri, mihi dicares:
- defessus tamen omnibus medullis
- et multis langoribus peresus
- essem te mihi, amice, quaeritando.