Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. scribens versiculos uterque nostrum
  2. ludebat numero modo hoc modo illoc,
  3. reddens mutua per iocum atque vinum.
  4. atque illinc abii tuo lepore
  5. incensus, Licini, facetiisque,
  6. ut nec me miserum cibus iuvaret,
  7. nec somnus tegeret quiete ocellos,
  8. sed toto indomitus furore lecto
  9. versarer cupiens videre lucem,
  10. ut tecum loquerer simulque ut essem.
  11. at defessa labore membra postquam
  12. semimortua lectulo iacebant,
  13. hoc, iucunde, tibi poema feci,
  14. ex quo perspiceres meum dolorem.
  15. nunc audax cave sis, precesque nostras,
  16. oramus, cave despuas, ocelle,
  17. ne poenas Nemesis reposcat a te.
  18. est vehemens dea: laedere hanc caveto.
  • Ille mi par esse deo videtur,
  • ille, si fas est, superare divos