Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. negare litus insulasve Cycladas
  2. Rhodumque nobilem horridamque Thraciam
  3. Propontida trucemve Ponticum sinum,
  4. ubi iste post phasellus antea fuit
  5. comata silva: nam Cytorio in iugo
  6. loquente saepe sibilum edidit coma.
  7. Amastri Pontica et Cytore buxifer,
  8. tibi haec fuisse et esse cognitissima
  9. ait phasellus; ultima ex origine
  10. tuo stetisse dicit in cacumine,
  11. tuo imbuisse palmulas in aequore,
  12. et inde tot per impotentia freta
  13. erum tulisse, laeva sive dextera
  14. vocaret aura, sive utrumque Iuppiter
  15. simul secundus incidisset in pedem;
  16. neque ulla vota litoralibus diis
  17. sibi esse facta, cum veniret a mari