Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. ait fuisse navium celerrimus,
  2. neque ullius natantis impetum trabis
  3. nequisse praeterire, sive palmulis
  4. opus foret volare sive linteo.
  5. et hoc negat minacis Hadriatici
  6. negare litus insulasve Cycladas
  7. Rhodumque nobilem horridamque Thraciam
  8. Propontida trucemve Ponticum sinum,
  9. ubi iste post phasellus antea fuit
  10. comata silva: nam Cytorio in iugo
  11. loquente saepe sibilum edidit coma.
  12. Amastri Pontica et Cytore buxifer,
  13. tibi haec fuisse et esse cognitissima