Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Furi, villula vestra non ad Austri
- flatus opposita est neque ad Favoni
- nec saevi Boreae aut Apeliotae,
- verum ad milia quindecim et ducentos.
- o ventum horribilem atque pestilentem!
- Minister vetuli puer Falerni
- inger mi calices amariores,
- ut lex Postumiae iubet magistrae,
- ebrioso acino ebriosioris.
- at vos quo libet hinc abite, lymphae,
- vini pernicies, et ad severos
- migrate: hic merus est Thyonianus.
- Pisonis comites, cohors inanis