Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. Suffenus iste, Vare, quem probe nosti,
  2. homo est venustus et dicax et urbanus,
  3. idemque longe plurimos facit versus.
  4. puto esse ego illi milia aut decem aut plura
  5. perscripta, nec sic, ut fit, in palimpsesto
  6. relata: chartae regiae, novi libri,
  7. novi umbilici, lora, rubra membrana,
  8. derecta plumbo et pumice omnia aequata.
  9. haec cum legas tu, bellus ille et urbanus
  10. Suffenus unus caprimulgus aut fossor
  11. rursus videtur: tantum abhorret ac mutat.
  12. hoc quid putemus esse? Qui modo scurra
  13. aut si quid hac re tritius videbatur,