Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Saepe tibi studioso animo venante requirens
- carmina uti possem mittere Battiadae
- qui te lenirem nobis, neu conarere
- tela infesta mihi mittere in usque caput,
- hunc video mihi nunc frustra sumptum esse laborem,
- Gelli, nec nostras hic valuisse preces.
- contra nos tela ista tua evitamus amictu:
- at fixus nostris tu dabis supplicium.