Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. minas viginti mihi dat. accipio libens,
  2. condo in cruminam. ille abit. ego propere minas
  3. ovis ín crumina hác in urbem detuli.
  4. fuít edepol Mars meo periratus patri,
  5. nam oves illius hau longe absunt a lupis.
  6. nunc ego istos mundulos urbanos amasios
  7. hoc ictu exponam atque omnis eiciam foras.
  8. eradicarest certum cumprimis patrem,
  9. post id locorum matrem. nunc hoc deferam
  10. argentum ad hanc, quam mage amo quam matrem meam.
  11. tat, ecquis intust? ecquis hoc aperit ostium?